Fiskistofa hefur lokið álagningu veiðigjalds vegna ársins 2020.  Alls nemur álagningin tæpum 4,8 milljörðum króna.  Til samanburðar má hér sjá heildarálagningu veiðigjalds þrú síðastliðin ár:

Gjaldendur
Gjaldendur veiðigjalds á árinu 2020 voru alls 934.  Þeir voru flestir yfir sumartímann vegna strandveiðanna, á milli  7 og 8 hundruð talsins.  Fámennastur var gjaldendahópurinn í janúar 2020 eða um 150. Ef litið er til 16 stærstu gjaldendanna þá greiddu þeir samanlagt tæpa 3,0 milljarða í veiðigjald á árinu 2020 af þeim 4,8 milljörðum sem veiðigjaldið skilaði.

Staðir
Þegar skoðuð er álagning eftir stöðum (póstnúmerum) gjaldenda kemur í ljós að Reykjavík (101), Vestmannaeyjar, Grindavík og Akureyri skera sig úr með mest álagt veiðigjald.

Útgerðarflokkar
Álagt veiðigjald á togaraflotann nemur tæpum 2,3 milljörðum króna og álagning á aflamarksskip nemur 1,8 milljarði.  Krókabátar og aðrir smábátar greiða um 700 milljónir króna.

Fisktegundir
Veiðigjald vegna þorskafla nemur  2,8 milljörðum króna og síðan kemur ýsan með um 780 milljónir.  Veiðigjaldið á aflann í þessum tveimur tegundum nemur um 75% af álagningunni árið 2020.  Eins og gefur að skilja fór lítið fyrir veiðigjaldi af loðnuveiðum 2020 en veiðigjald af makríl nam tæplega 260 milljónum og 210 milljónum af síld og af kolmunna  tæpum 15 milljónum. Hér að neðan má sjá samanburð milli þriggja síðustu ára eftir nokkrum fisktegundum.

Frekari upplýsingar
Á vef Fiskistofu má finnar upplýsingar um álagninguna  á veiðigjaldi 2020 og  öll fyrri ár.  Þar er meðal annars skrá yfir álagt gjald hvers gjaldanda og margvísleg talnagögn.
Sjá upplýsingar um:

Veiðigjald 2020

Veiðigjald fyrri ár