- Eyjafréttir
- ·
- Fréttir
- ·
Fiskistofa hefur lokið álagningu veiðigjalds vegna ársins 2020. Alls nemur álagningin tæpum 4,8 milljörðum króna. Til samanburðar má hér sjá heildarálagningu veiðigjalds þrú síðastliðin ár:
| Ár | Upphæð álagðs veiðigjalds |
|---|---|
| 2020 | 4,8 milljarðar króna |
| 2019 | 6,6 milljarðar króna |
| 2018 | 11,3 milljarðar króna |
Gjaldendur
Gjaldendur veiðigjalds á árinu 2020 voru alls 934. Þeir voru flestir yfir sumartímann vegna strandveiðanna, á milli 7 og 8 hundruð talsins. Fámennastur var gjaldendahópurinn í janúar 2020 eða um 150. Ef litið er til 16 stærstu gjaldendanna þá greiddu þeir samanlagt tæpa 3,0 milljarða í veiðigjald á árinu 2020 af þeim 4,8 milljörðum sem veiðigjaldið skilaði.
| Stærstu gjaldendur | Upphæð álagðs veiðigjalds 2020 |
|---|---|
| Brim hf | 367 m.kr. |
| Samherji Ísland ehf | 281 m.kr. |
| Þorbjörn hf | 250 m.kr. |
| FISK-Seafood ehf | 231 m.kr. |
| Skinney-Þinganes hf | 197 m.kr. |
Staðir
Þegar skoðuð er álagning eftir stöðum (póstnúmerum) gjaldenda kemur í ljós að Reykjavík (101), Vestmannaeyjar, Grindavík og Akureyri skera sig úr með mest álagt veiðigjald.
| Staður | Álagt veiðigjald árið 2020 |
|---|---|
| Reykjavík (101) | 680 m.kr. |
| Vestmannaeyjar | 550 m.kr. |
| Grindavík | 530 m.kr. |
| Akureyri | 400 m.kr. |
| Sauðárkrókur | 240 m.kr. |
Útgerðarflokkar
Álagt veiðigjald á togaraflotann nemur tæpum 2,3 milljörðum króna og álagning á aflamarksskip nemur 1,8 milljarði. Krókabátar og aðrir smábátar greiða um 700 milljónir króna.
Fisktegundir
Veiðigjald vegna þorskafla nemur 2,8 milljörðum króna og síðan kemur ýsan með um 780 milljónir. Veiðigjaldið á aflann í þessum tveimur tegundum nemur um 75% af álagningunni árið 2020. Eins og gefur að skilja fór lítið fyrir veiðigjaldi af loðnuveiðum 2020 en veiðigjald af makríl nam tæplega 260 milljónum og 210 milljónum af síld og af kolmunna tæpum 15 milljónum. Hér að neðan má sjá samanburð milli þriggja síðustu ára eftir nokkrum fisktegundum.
| Fisktegund | Álagt veiðigjald 2020 | Álagt veiðigjald 2019 | Álagt veiðigjald 2018 |
|---|---|---|---|
| Þorskur | 2.810 m.kr. | 3.550 m.kr. | 5.760 m.kr. |
| Ýsa | 780 m.kr. | 920 m.kr. | 1.200 m.kr. |
| Grálúða | 400 m.kr. | 420 m.kr. | 870 m.kr. |
| Makríll | 260 m.kr. | 450 m.kr. | 440 m.kr. |
| Síld | 210 m.kr. | 310 m.kr. | 400 m.kr. |
| Kolmunni | 15 m.kr. | 150 m.kr. | 340 m.kr. |
| Loðna | 0 m.kr. | 0 m.kr. | 320 m.kr. |
Frekari upplýsingar
Á vef Fiskistofu má finnar upplýsingar um álagninguna á veiðigjaldi 2020 og öll fyrri ár. Þar er meðal annars skrá yfir álagt gjald hvers gjaldanda og margvísleg talnagögn.
Sjá upplýsingar um:
