Á síðasta fundi bæjarráðs voru samþykktir samhljóða fjórir viðaukar við fjárhagsáætlun 2023.

Viðauki nr. 5 við fjárhagsáætlun 2023 vegna Náttúrustofu Suðurlands lagður fram og er tilkominn vegna hækkunar ríkisins á framlagi til Náttúrustofu sem leiðir einnig af sér hækkun á framlagi frá Vestmannaeyjabæ. Upphæðin er 1,8 m.kr. sem rúmast innan fjárhagsáætlunar 2023 með innri færslum.

Viðauki nr. 6 við fjárhagsáætlun 2023 vegna kaupa á viðbótardvalargildum fyrir nýja deild á Sóla lagður fram. Bæjarráð samþykkti að fara í viðauka fyrr á árinu 2023 til að kaupa viðbótardvalargildi skv. tillögu fræðsluráðs. Um er að ræða 41,7 m.kr. sem eru fjármagnaðar með handbæru fé og rúmast innan fjárheimilda ársins 2023.

Viðauki nr. 7 við fjárhagsáætlun 2023 lagður fram. Um er að ræða fjárfestingu upp á 280 m.kr. vegna Eyglóar.

Viðauki nr. 8 við fjárhagsáætlun 2023 lagður fram. Um er að ræða tilfærslu eignafærslna á árinu 2023. Tilfærslurnar rúmast innan fjárhagsáætlunar fyrir árið 2023.