Fjölmennasta síldarveisla VSV frá upphafi

„Þetta er fjórða síldarveislan á aðventu og sú fjölmennasta frá upphafi. Við höfum skapað skemmtilega hefð sem fellur vel í kramið hjá okkar fólki og öðrum sem mæta,“ segir Sindri Viðarsson, sviðsstjóri uppsjávarsviðs Vinnslustöðvarinnar, í tilefni af afar vel heppnaðri síldarveislu VSV fimmtudaginn 7. desember.

„Við bjóðum öllum starfsmönnum í mat og svo mæta líka fyrrverandi starfsmenn og fleiri síldarvinir eftir atvikum. Heiðurinn af öllu saman eiga auðvitað Inga og Bennó skuldlaust [Ingigerður Helgadóttir og Benóný Þórisson].

Þau sjá um að verka jólasíld Vinnslustöðvarinnar, skiptast á síldarfötum við önnur uppsjávarfyrirtæki og skipuleggja sjálfa síldarveisluna hér með öllu tilheyrandi; kartöflum, rúgbrauði, eggjum og drykkjarföngum. Veisluborðið er glæsilegt og matsalurinn skreyttur í samræmi við tilefnið.“

Aðalmálið í síldarveislunni var að sjálfsögðu að bragða á jólasíld VSV og hún þykir að sjálfsögðu bera af, með fullri virðingu fyrir keppinautum úr öðrum héruðum og fyrirtækjum. Tómatsíld Ingu deildi toppsætinu með VSV-síldinni.

Þarna var líka síld frá Ísfélaginu í Vestmannaeyjum, Ísfélaginu á Þórshöfn, Eskju, Síldarvinnslunni, Skinney-Þinganesi og Loðnuvinnslunni.

Veislan er öðrum þræði gæðamat fyrir eigin framleiðslu og keppninautanna, það er að segja hvaða síld komi næst VSV-síldinni að gæðum, áferð, umbúðum og þar fram eftir götum. Sindri segir að skoðanir séu eðlilega skiptar um hvaða síld hljóti 2. og 3. sætið og afgreiðir málið á diplómatískan hátt líkt og fyrirmyndar sendifulltrúi í utanríkisþjónustunni:

„Öll var síldin afar góð, hvaðan sem hún kom. Uppskriftir eru mismunandi og sömuleiðis er mismunandi hvað sett er með bitunum í föturnar.

Þetta er einmitt það sem gerir veisluna spennandi og áhugaverða. Sumt svipað, annað ólíkt, allt bragðgott.“

Ljósmyndir: Eydís & Sindri.

20231207 180627 20231207 180645

20231207 180720 20231207 180841 20231207 181134 20231207 181148 20231207 181203 20231207 183904 20231207 183926 20231207 184024 20231207 184216 369888550 680390097430994 2078771023569758837 N 370099431 683279740608343 1182881741889794866 N 370293218 3574364039444270 6124597530452684473 N 377121227 739700501308681 7844158943699578016 N 377151931 364602779386092 4287971032983038553 N 377220978 249159708172185 5176233741660437483 N 377278004 1269575330389333 2404594927883465940 N 386440988 6976453479104809 3147554931588739896 N 386858653 3720685318206108 5990094890387865567 N 386875228 592787262969370 1260201958425015189 N 387419562 366153192654812 6330128302672871490 N 387459567 1294942537822186 4009918887406532278 N herring 387633717 1300353943992835 8984046813713101201 N

Nýjustu fréttir

Íþróttir

Andri verður ekkert með í einvíginu gegn KA

Áhugavert

Fékk plássið þegar auminginn úr Reykjavík gafst upp

Aðsend grein

Minnisvarði um botnlausa sýndarþörf Eyjamanna brátt vígður

Fréttir

Listaverk Ólafs Elíassonar komið á sinn stað

Myndband

Hingað og þangað um Heimaey

Þjóðhátíð

Ágúst Þór stýrir brekkusöngnum

Aðsent

Skákmeistarinn krýndur á sunnudag

Fréttir

Árshátíð FÍV haldin með pompi og prakt

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki