Þann 1. nóvember ár hvert stendur leikskólinn Kirkjugerði fyrir lestrarátaki Lubba. Átakinu – sem lauk á Degi íslenskar tungu þann 16. nóvember – felst í því að foreldrar lesa heima fyrir börn sín og skila svo inn Lubbabeinum fyrir hverja bók sem lesin var.

Fram kemur í frétt á vef Vestmannaeyjabæjar að í ár hafi nemendur og foreldrar í skólanum lesið 673 bækur sem gerðu samtals 12.124 blaðsíður. Degi íslenskar tungu var svo fagnað í salnum á mánudaginn þar sem Kristín Edda deildastjóri á Stafsnesvík lék þjóðsöguna um Gilitrutt í formi skuggaleikhúss fyrir nemendur og kennara.