Strákarnir um borð hjá Guðmundi VE duttu heldur betur í lukkupottinn í gær þegar þeir náðu 2000 tonna síldarkasti rétt fyrir utan Grundarfjörð. Þetta síldarkast þeirra á Guðmundi VE er líklega það stærsta á þessari vertíð. Júpíter náði ekki fyrir löngu síðan 1500 tonna kassti á sömu miðum.

Samkvæmt Þorbirni Víglundssyni sem bloggar af sjónum á vefnum www.123.is/tobbivilla þá var Hákon EA að bíða eftir því að fá að dæla hluta af þessu 2000 tonna kasti yfir til sína þegar Guðmundi hefði fyllt sig.

Kap Ve kastaði einnig á svipuðum stað og Guðmundur og voru þeir með kast yfir 1000 tonn.
Huginn VE er við löndun í Vestmannaeyjum og fara þeir aftur á miðinn strax og löndun líkur.

Einnig eru að landa í Vestmannaeyjum Sighvatur Bjarnason VE og Júpiter ÞH.
Gert er ráð fyrir því að Álsey VE 2 haldi á miðinn í dag.

Hægt er að fylgjast með áhöfnunum á eftirfarandi síðum:

Guðmundur VE: www.123.is/tobbivilla
Huginn VE: www.huginn.is
Álsey VE: www.123.is/alseyve2