Umhverfisvænt eldsneyti.
Ein lausnin til að draga úr losun gróðurhúsalofttegunda er að nota umhverfisvænt eldsneyti á ökutæki, og leggja áherslu á að efla framleiðslu þess í heimalandinu. Sú þróun er víða erlendis að ryðja sér til rúms og hafa sumar þjóðir sett markið hátt, ekki aðeins til að sporna við hættulegum útblæstri, heldur líka til að auka sjálfbærni þjóðarinnar í orkuframleiðslu.

Meðal þess sem telja má upp sem umhverfisvænt eldsneyti er metangas, etanól, metanól, lífdísill og vetni. �?að sem virðist liggja beinast við hérlendis, er að nota metangas, þó svo að aðrir kostir séu einnig áhugaverðir s.s. etanól og vetni.

Metangas, nóg til en vantar uppá dreifikerfið
Nokkuð er síðan Metangasframleiðsla hófst í Sorpu úr sorphaugum í Álfsnesi og hefur gasið bæði verið nýtt á bíla og til raforkuframleiðslu. Nú eru einungis í notkun nokkrir tugir metangasbila, en framleiðslugetan annar um 3-4000 bílum. �?að sem hinsvegar hamlar notkun metangassins er takmarkað dreifikerfi eldsneytisins, en aðeins ein áfyllingarstöð er til í landinu sem er staðsett í Reykjavík. Auka verður metangasframleiðslu á landsvísu þannig að hægt verði að taka metangas á tankinn hvar sem er á landinu.
Framleiðslumöguleikar á metangasi

Í rauninni eru möguleikar á metangasframleiðslu ótalmargir og víða um land lekur metangasið óhindrað út í andrúmsloftið úr sorphaugum. Bændur geta safnað húsdýraúrgangi og öðru í þar til gerða tanka og unnið úr honum metangas og hægt er að rækta hraðvaxta tegundir sem henta til metangasframleiðslu.

Aðferðirnar eru þekktar og nýttar víða erlendis og dæmi um að bændur með fremur lítil bú geti verið sjálfbærir með orku með því að nýta metangasið úr þeim úrgangi sem til fellur á búinu.

Skaðsemi metangass
Metangas er tólffalt áhrifameiri gróðurhúsalofttegund en koltvísýringur, sem þýðir að skaðsemi þess er tólffalt meiri. �?að segir sig því sjálft að slæmt er að láta þessa gastegund leka óhindrað út í andrúmsloftið, hvort sem er frá sorphaugum eða úr haughúsum. Sé gasinu hinsvegar safnað saman má gera það svo að segja skaðlaust með því að nota það sem eldsneyti eða til raforkuframleiðslu. Sumsé; 2 flugur í einu höggi.

Aðkoma yfirvalda og markaðslögmálin
Yfirvöld þurfa að marka skýra stefnu um umhverfisvænt eldsneyti, en hérlendis hafa vörugjöld verið lækkuð af metangasbílum auk þess sem gasið er undanþegið sköttum.
Hinn almenni neytandi þarf að sjá hag sinn í krónum talið í því að nota umhverfisvæna orkugjafa og því er fyrsta skrefið að gera umhverfisvæna eldsneytið samkeppnishæft við jarðefnaeldsneyti og efla dreifikerfi þess markvisst.

Undirrituð er að vinna að mastersrannsókn í orkuvinnslu úr lífmassa í umhverfisfræðum við HÍ.

Höfundur er garðyrkjufræðingur og skipar 16. sæti á lista sjálfstæðisflokksins.