Hvíslað er um það að þrýst sé á Elliða Vignisson bæjarstjóra, innan Sjálfstæðisflokksins að gera atlögu að efsta sætinu í  prófkjöri flokksins fyrir næstu þingkosningar .

Þrátt fyrir að langt sé í næstu kosningar eru menn strax farnir að leiða að þessu líkum, sér í lagi eftir mikinn kosningasigur flokksins í Eyjum í síðustu sveitarstjórnarkosningum.

Þá þykir núverandi oddviti ekki hafa staðið fyrir sínu í ráðherrastóli það sem af er kjörtímabili.

Af þeim sem nefndir hafa verið til sögunnar, þykir Elliði vænlegastur til árangurs. Hinir sem nefndir hafa verið í þessu samhengi eru þeir Eyþór Arnalds og Árni Sigfússon.