Í dag má lesa á vefnum www.mbl.is að stofnfé Lífeyrissjóðs Vestmannaeyja verði aukið um milljarð. Eins og flestir vita þá þarna átt við Sparisjóð Vestmannaeyja en ekki Lífeyrissjóð Vestmannaeyja. www.mbl.is hefur eitthvað ruglað saman nöfnum þegar fréttin var sett í loftið.

Frétt uppfærð: 16:25 Mbl.is hefur lagfært titil fréttarinnar

Fréttina má lesa hér að neðan:

Ákveðið hefur verið að auka stofnfé Sparisjóðs Vestmannaeyja, en tillaga þess efnis var samþykkt á fundi stofnfjáreigenda í vikunni. Er sagt frá þessu í Eyjafréttum.

Tillaga meirihluta stjórnar sjóðsins hljóðaði upp á heimild stjórnar til að auka stofnfé um allt að einn milljarð og á hún að gilda til ársloka 2009. Var lagt til að bjóða út 350 milljónir króna fyrir lok þessa árs.

Þá var samþykkt breyting á samþykktum sjóðsins um afnám jafnrar eignar að stofnfjárhlutum og að hér eftir verði einn hlutur ein króna. Þá var ákveðið að hámarkshlutur hvers stofnfjáreiganda verði fimm prósent af útgefnu stofnfé.

http://www.mbl.is/mm/vidskipti/frett.html?nid=1296727