Á bæjarráðsfundi í gær var tekið fyrir minnisblað frá Eimskip rekstraraðila Herjólfs varðandi breytingar á bókunarreglum Herjólfs.

Breytingarnar fela það í sér að miðar með Herjólfi verða ekki endurkræfir tveimur sólarhringum fyrir brottför. Bæjarráð samþykkti breytinguna með þeirri breytingu að miðað sé við að afpanta þurfi fyrir lokun á afgreiðslu Herjólfs.

Ástæða þess að Eimskip fer fram á þessar breytingar á bókunarreglum er að koma í veg fyrir að hægt sé að bóka far með skipinu og sleppa því svo að mæta. Í sumar hefur Herjólfur oft verið fullbókaður fyrir bíla en vegna þess hversu margir bókaðir koma ekki til skips þá hefur verið hægt að koma biðlista bílum inn í skipið en erfitt er að finna út hversu margir hafa hætt við ferðir vegna þessa.

Við á eyjar.net höfum ákveðið að setja upp á spjallborðinu umræður um þessa ákvörðun Herjólfs og samþykki bæjarráðs á tillögunni. Endilega segið ykkar skoðun á málefninu og komið með betri tillögur varðandi bókunarreglur Herjólfs ef þið hafið þær.

Tjáðu þig um málið hér