Í dag klukkan 14:30 hófst vönduð barnadagskrá í Herjólfsdal. Brúðubílinn varð með sýningu fyrir börnin, leikfélagið var með skemmtiatriði og hljómsveitin Dans á rósum spilaði á barnaballi á tjarnarsviðinu. Klukkan 16:30 verða DJ-ar að spila á brekkusviðinu.

Veðrið leikur við þjóðhátíðargesti í dag, sól og 15 stiga hiti. Vel hefur genið að koma þjóðhátíðargestum til eyja og er Flugfélag Vestmannaeyja og Flugfélagið Vængir að ferja fólk yfir frá Bakka. Flugfélag Íslands er með tvær vélar í dag og Herjólfur fer tvær ferðir í dag.

Í kvöld er svo kvöldskemmtun á brekkusviðinu, Stefán Hilmarsson, Lay Low og Hreimur og Vignir Snær, í nótt munu svo Í svörtum fötum og Á móti sól spila á brekkusviðinu og Dans á rósum og Hálft í hvoru spila á tjarnarsviðinu. Á miðnætti verður glæsileg flugeldasýning í umsjá Björgunarfélags Vestmannaeyja.