Stjórn KSÍ samþykkti á fundi sínum í morgun að bregðast við breyttum aðstæðum í þjóðfélaginu, bæði með því að leggja aukið fé í barna- og unglingastarf og einnig með því að fresta kröfum vegna mannvirkjagerðar við knattspyrnuvelli. Hásteinsvöllur uppfyllti ekki kröfur Leyfiskerfis KSÍ um 700 yfirbyggð sæti samkvæmt því hefði ÍBV ekki átt að fá að spila sína heimaleiki í Vestmannaeyjum næsta sumar. Nú hefur frestur til að uppfylla kröfur Leyfiskerfisins verið framlengdur og fá Eyjamenn því að spila sína heimaleiki á Hásteinsvelli næsta sumar.