Ekki er öruggt að ÍBV spili sína heimaleiki á Hásteinsvelli eins og greint var frá í morgun en Ómar Smárason, leyfisstjóri KSÍ leiðrétti það í samtali við blaðamann og sagði eingöngu að lokafresti til framkvæmda hefði verið seinkað um tvö ár, frá 2010 til 2012. Kröfur leyfiskerfisins standa enn og enn er gert ráð fyrir að félög sem ekki uppfylli viðkomandi kröfur, skili inn framkvæmdaáætlun þar að lútandi fyrir næsta sumar. Sigursveinn Þórðarson, formaður knattspyrnudeildar ÍBV segir eðlilegast hefði að fresta alfarið leyfiskerfinu og Elliði Vignisson, bæjarstjóri segist ekki geta lofað stúku.