ÍBV tapaði öðrum leik sínum í röð í Íslandsmótinu þegar stelpurnar tóku á móti Breiðabliki á Hásteinsvellinum. Aðstæður voru afar erfiðar, mikið rok beint á annað markið og setti vindurinn svip sinn á leikinn. Þrátt fyrir það fengu bæði lið sín færi gegn vindinum og mörkin hefðu í raun átt að vera mun fleiri. Þannig áttu bæði lið hörkuskot í slá auk fjölda annarra dauðafæra sem ekki nýttust. Sigurmark Breiðabliks kom strax á 10. mínútu eftir varnarmistök ÍBV.