�?að er að nálgast hálfur mánuður síðan við lögðum af stað í þennan túr. Höfum við á þeim tíma skilað af okkur einni nót heim til Eyja til viðgerðar og erum núna á leið til Reykjavíkur til að lappa upp á hana þessa. Sem fyrr var lítið að sjá inn á Breiðafirði af síld og vandasamt að ná til hennar þegar hún þá birtist í smá peðru formi uppí fjöru milli eyja, skerja, kræklingalínu og allskonar leiðinda. Sömu örlög hlaut hitt skipið sem ennþá var á svæðinu Ásgrímur Halldórsson, h…ann líkt og við kastaði einu sinni í dag og reif sína nót líka illa og er hættur og farinn austur, en þar er saman kominn flotinn að reyna fyrir sér svona þegar veður verður til þess. En þolinmæði er dyggð eða er ekki svo? þá verður okkur klárlega verðlaunað hér á Álsey fyrr en seinna;-) við ætlum galvaskir að fara í viðgerð á nótinni inni í Hampiðjunni í fyrramálið og fá aðstoð frá þeim þar. Að henni lokinni ætlum við að láta slag standa og rjúka aftur inn á fjörðinn alræmda, finna hana og veiða hana í stórum stíl, takk fyrir túkall skrúfum við upp væntingastuðullinn frá og með núna, kær kveðja frá okkur og Pollýönnu