Eyjamenn í úrslit Íslandsmótsins
ÍBV er komið í úrslit Íslandsmótsins í handbolta, í fyrsta sinn síðan veturinn 2004-2005 eftir sigur á Val í dag 28:23. Salurinn í Íþróttamiðstöðinni var troðinn af frábærum stuðningsmönnum ÍBV, staðið var báðu megin við völlinn en búið var að koma upp aukastæðum sunnan megin í salnum. Stuðningsmenn Eyjaliðsins voru frábærir í einu orði sagt. Og leikmennirnir fylgdu í kjölfarið, héldu aftur af Valsmönnum með sterkum varnarleik. Mest náði ÍBV átta marka forystu en Valsmenn náðu að saxa á forskotið undir lokin þannig að spenna varð á lokamínútunum. En peyjarnir klikkuðu ekki á ögurstundu og fögnuðu vel og innilega í leikslok.
Eyjamenn voru sterkari í leiknum í dag. Eins og svo oft áður var jafnræði með liðunum framan af en þegar um tíu mínútur voru til leiksloka, breyttu Eyjamenn stöðunni úr 6:6 í 10:6. Eftir það litu leikmenn ÍBV aldrei um öxl, spiluðu eins og greifar og sendu um leið Haukum sterk skilaboð. Staðan í hálfleik var 14:9 fyrir ÍBV en munurinn var svo átta mörk þegar seinni hálfleikur var um það bil hálfnaður. En þá kom slæmi kaflinn hjá ÍBV og hugsanlega eitthvert kæruleysi því Valsmenn söxuðu jafnt og þétt á forskotið, sem var komið niður í þrjú mörk þegar um níu mínútur voru eftir, 22:19. Valsmenn fengu síðan tækifæri til að minnka muninn niður í tvö mörk en það gerðu þeir aldrei enda tóku Eyjamenn aftur við sér, bæði í vörn og sókn og juku muninn aftur upp í fimm mörk.
En það var ekki bara sigurinn í dag sem gerði leikinn svo eftirminnilegan, heldur líka umgjörðin. Samkvæmt opinberum plöggum voru 900 áhorfendur á leiknum í dag en sá sem þetta skrifar hefur lúmskan grun um að þeir hafi verið nær þúsund. Stemmningin var líka í takti við fjöldann en aldrei áður hafa jafn margir verið á áhorfendapöllunum í þessum sal á handboltaleik. �?vílíkur hávaði sem var í salnum þegar stuðningsmennirnir í stúkunni létu í sér heyra. Stór hópur Valsmanna var á leiknum en þeir máttu ekki við margnum. �?að var ekki veikan hlekk að finna hjá ÍBV í dag, leikmenn, þjálfarar, stuðningsmenn, Hvítu riddararnir og sjálfboðaliðar stóðu sig allir með prýði og gott betur.
Nú býður Eyjamönnum spennandi verkefni, að mæta reyndu liði Hauka í úrslitum Íslandsmótsins. �?ess má til gamans geta að þegar ÍBV komst síðast í úrslit Íslandsmótsins, þá mættu þeir Haukum sem unnu 3:0. Haukar hafa heimaleikjaréttinn en fyrsti leikurinn í úrslitunum verður í Hafnarfirði næstkomandi mánudag. Haukar spiluðu til úrslita gegn Fram á síðasta tímabili en töpuðu og mæta eflaust dýrvitlausir til leiks. �?að eitt að nýliðar skuli vera komnir alla leið í úrslit Íslandsmótsins, sýnir hversu vel hefur verið staðið að uppbyggingu handboltans í Eyjum undanfarin ár. �?að eru fjölmargir sem hafa komið að þeirri vinnu og nú er uppskerutími. Sannkallað karneval.
Mörk ÍBV: Theodór Sigurbjörnsson 8/2, Agnar Smári Jónsson 6, Róbert Aron Hostert 5, Grétar Eyþórsson 3, Andri Heimir Friðriksson 3, Magnús Stefánsson 1, Hallgrímur Júlíusson 1, Guðni Ingvarsson 1.
Varin skot: Kolbeinn A. Ingibjargarson 10/1, Henrik Eidsvaag 4.
Meðfylgjandi er viðtal við Andra Heimi Friðriksson.

Nýjustu fréttir

Íþróttir
Eyjamenn sóttu þrjú mikilvæg stig norður
Áhugavert
„Við erum ótrúlega stolt af ykkur“
Myndband
Mikill ferðamannastraumur um helgina – myndband
Úr blaði Eyjafrétta
Heimir og Særún heilluðust af Vestmannaeyjum
Íþróttir
Glæsilegu TM móti lokið – Þróttur R. varð TM móts meistari
Íþróttir
ÍBV getur farið upp fyrir Þór
Áhugavert
Sýndu fjölbreytni, metnað og sköpunargleði
Íþróttir
ÍBV stelpurnar gerðu jafntefli við Þrótt R.
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.