Síldarvinnslan áfrýjar til Hæstaréttar
Nú fyrir skömmu barst Vestmannaeyjabæ áfrýjunarstefna Síldarvinnslunnar í máli því sem Vestmannaeyjabær höfðaði gegn félaginu til efnda á forkaupsrétti sveitarfélagsins þegar bátar og aflaheimildir voru seldar frá Vestmannaeyjum 30. ágúst 2012.
Eins og komið hefur fram vann Vestmannaeyjabær fullnaðarsigur í héraðsdómi og voru dómsorðin afdráttarlaus.
Í dómsniðurstöðu komst dómarinn m.a. að þeirri niðurstöðu að kaupsamningur aðila hafi verið sérsniðinn viðskiptagerningur, sem miðaði að því að sniðganga ákvæði settra laga [um forkaupsrétt sveitarfélagsins], sértækum hagsmunum til framdráttar.
Í dómsorðum sagði.:
�?giltur er samningur um kaup stefnda, Síldarvinnslunnar hf., á öllum eignarhlutum í Bergi-Huginn ehf. af stefnda, Q44., dagsettur í ágúst 2012.
�?ar með var staðfestur sá réttur íbúa sjávarbyggða sem þeim er ætlaður í lögum um stjórn fiskveiða og þar með dregið úr líkum þess að hægt væri með lagatæknilegum gjörningum að sniðganga þann rétt.
Vestmannaeyjabær fagnar því að látið verði reyna enn frekar á rétt sveitarfélaga og almennra íbúa sjávarbyggða með áfrýjun til hæstaréttar. Illu heilli hafa íbúar sjávarbyggða mátt þola það í áratugi að sá réttur sem löggjafinn byggði inn í lög um um stjórn fiskveiða væri markvisst sniðgenginn.
Vestmannaeyjabær lýsir yfir fullum skilningi á því að Síldarvinnslan skuli nú hafa ákveðið að áfrýja dómi héraðsdóms enda brýnt fyrir alla aðila að leikreglur í sjávarútvegi séu skýrar og þar með að öllum sé ljóst hvort að sá réttur íbúa sem Vestmannaeyjabær berst fyrir og löggjafinn ætlaði þeim eigi að vera virtur.
Að lokum hvetur Vestmannaeyjabær þingmenn og íbúa sjávarbyggða til að veita þessu máli ríka athygli. Niðurstaða Hæstaréttar mun ráða miklu um framtíð sjávarbyggða og atvinnuöryggi íbúa í sjávarbyggðum.
Fyrir hönd Vestmannaeyjabæjar, Elliði Vignisson, bæjarstjóri

Nýjustu fréttir

Sjávarútvegur
Landað í Grindavík og í Eyjum
Aðsend grein
Þarf vinnuskóli að vera vesen?
Áhugavert
„Við erum að tala um 18 íbúðir, ekki eitt einbýlishús“
Áhugavert
Veisla hjá Bjössa í 20 ár
Fréttir
Allir bæjarfulltrúar sameinast um kröfur til ríkisstjórnarinnar
Íþróttir
TM mótið hefst á morgun
Aðsent
Afmælisdagarnir gáfu ömmunni milljónir
Áhugavert
Koddaslagur systranna skilaði 500 þúsund til Krabbavarnar
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.