KR-ingar niðurlægðu Eyjamenn í undanúrslitum bikarsins í kvöld en liðin áttust við á Hásteinsvelli. 1303 áhorfendur, langflestir á bandi ÍBV, fylgdust agndofa með KR-ingum komast í 1:5 áður en Eyjamenn minnkuðu muninn í lokin. �?ví er ekki hægt að neita að KR er einfaldlega með betra lið en ÍBV en miðað við gang mála í fyrri hálfleik, þá var það virkilega ósanngjarnt að gestirnir væru 0:2 yfir þegar gengið var til leikhlés. Eyjamenn minnkuðu reyndar muninn í 1:2 strax í upphafi síðari hálfleiks en þá settu KR-ingar einfaldlega í gír og völtuðu yfir ÍBV.

ÍBV fékk fjölda færi í fyrri hálfleik og í raun ótrúlegt að Eyjamenn skildu ekki komast yfir. �?annig fékk Jonathan Glenn tvö úrvalsfæri en skallaði yfir strax á 7. mínútu og svo varði markvörður KR vel frá honum á 29. mínútu. �?vert á gang leiksins komst KR svo yfir tveimur mínútum síðar og þeir bættu svo við öðru marki í uppbótartíma fyrri hálfleiks. Algjör óþarfi að fá þetta mark á sig og sumir leikmenn eflaust komnir hálfa leið inn í búningsklefa í huganum.

En það lifnaði heldur betur yfir áhorfendum strax í byrjun síðari hálfleik þegar Jonathan Glenn skoraði og minnkaði muninn í 1:2. Flestir héldu að nú myndi Eyjamenn gera harða hríð að marki KR-inga en annað kom á daginn. Vissulega reyndu Eyjamenn að sækja en fyrir vikið opnaðist vörn ÍBV upp á gátt og það nýttu KR-ingar sér. �?eir bættu við þremur mörkum og flestir á vellinum orðnir hálf þunglyndir, aðeins degi fyrir þjóðhátíð. Andri �?lafsson minnkaði svo muninn í lokin en það var auðvitað orðið allt of seint.

�?ar með er Evrópudraumur Eyjamanna úr sögunni. Liðið á enga möguleika á að ná Evrópusæti í deildinni, enda ættu leikmenn og þjálfarar að einbeita sér að því fyrst og fremst að tryggja sætið í deildinni. �?að væri í raun og veru ákveðinn sigur miðað við gengi liðsins í byrjun sumars en Evrópudraumurinn og bikarævintýrið bíður betri tíma.