Sagnheimar, byggðasafn, ætlar að minnast þess á margvíslegan hátt að í ár eru liðin 100 ár frá því að konur fengu kosningarétt hér á landi. Hafinn er undirbúningur á nýrri íþróttasýningu þar sem Eyjakonur í íþróttum verða nær eingöngu viðfangsefnið. Aldrei verður hægt að gera öllum skil – en nú kalla ég eftir tillögum ykkar hverjar ykkur finnst að eigi endilega að vera með…??? �?ið getið annað hvort skrifað nöfnin hér að neðan í athugasemdum eða sent mér netpóst á helga@sagnheimar.is.

Hér fylgir skemmtileg mynd af íþróttakonum úr ljósmyndasafni safnsins af fimleikaflokki KV. Ekki er vitað hvenær hún var tekin, en á henni eru: Aftari röð: Ásta Guðmundsdóttir frá Heiðardal, Ása Torfadóttir frá Áshól, Lóa Ágústsdóttir Baldurshaga, Auður Guðmundsdóttir frá Hrafnagili, Björg Sigurjónsdóttir Víðidal, Guðbjörg Gunnlaugsdóttir frá Gjábakka og Ingibjörg Guðmundsdóttir frá Viðey. Fremri röð frá vinstri: Guðný Gísladóttir, Jón Magnússon íþróttakennari og Selma Einarsdóttir frá London.