�?ær voru ótrúlegar móttökurnar sem Bikarmeistarar ÍBV í handbolta fengu þegar þeir komu heim með bikarinn í gærkvöldi. Klukkan var farin á halla í tólf á miðnætti þegar Herjólfur lagðist að bryggju en Eyjamenn létu að ekki á sig fá, fólk á öllum aldri stormaði niður á bryggju til að fagna hetjunum. Og hafi einhver efast um að Guð almáttugur haldi með ÍBV þá hvarf sá efi í gærkvöli því veður var eins gott og það getur orðið á þessum árstíma, blankalogn og bjart. Eitthvað sem Eyjamenn hafa ekki séð í margar vikur. �?að gerði sitt til að skapa stemmningu sem ekki verður með orðum lýst og mun seint líða strákunum úr minni. Að venju var skotið upp flugeldum og blys loguðu á Heimakletti, Miðkletti og Ystakletti. Erfitt er að segja til um hvað margir voru samankomnir til að samfagna Bikarkeisurunum en þeir voru eitthvað á milli 1000 og 2000 manns.

Á eftir var sigurhátíð í Höllinni og á Háaloftinu fyrir strákana þar sem frítt var inn.