Fyrsti heimaleikur ÍBV í Pepsi-deild karla fer fram í dag klukkan 17:00 þegar Íslandsmeistarar Stjörnunnar koma í heimsókn á Hásteinsvöll. Mikið verður um dýrðir í dag en Íþróttabandalag Vestmannaeyja fangar 70. ára afmæli sínu og býður öllum til afmælisveislu í dag með því að gefa frítt á leikinn, grilla pylsur og bjóða upp á drykki fyrir leikinn.

Knattspyrnuráð karla hefur í vetur unnað að umgjörð leika og verða nokkrar nýjungar í sumar. Stærsta breytingin er sú að stóri salurinn verður opnaður fyrir stuðningsmönnum einum til einum og hálfum tíma fyrir leik en upphitun í dag hefst klukkan 15:30 þar sem Eyjamönnum er boðið að koma og sjá bætta aðstöðu í Týsheimilinu. Jóhannes Harðarson, þjálfari ÍBV mun mæta á svæðið um það bil 45 mínútum fyrir leik, spjalla við stuðningsmenn og tilkynna liðið.