- Eyjafréttir
- ·
- Fréttir
- ·
�?jófnaður úr heimahúsi
Lögreglan hafði í nógu að snúast í liðinni viku vegna ýmissa mála sem upp komu. Nokkur erill var um helgina án þess þó að alvarleg mál hafi komið upp. �?urfti lögreglan í nokkrum tilvikum að hafa afskipti af ölvuðum einstaklingum sem ýmist gátu enga björg sér veitt eða voru til óþurftar.
Tveir þjófnaðir voru tilkynntir til lögreglu í liðinni viku en í öðru tilvikinu var um að ræða þjófnað á áfengi úr heimahúsi en í ljós kom að þarna höfðu ungmenni verið á ferð og náðust þau áður en þau byrjuðu að neita veiganna. Í hinu tilvikinu var um að ræða þjófnað á lyfjum úr heimahúsi en ekki er vitað hver eða hverjir þar voru að verki. Málin eru í rannsókn.
Einn ökumaður var stöðvaður vegna gruns um akstur undir áhrifum ávana- og fíkniefna í liðinni viku. �?á liggur ein kæra fyrir vegna brota á stöðvunarskyldu og ein kæra vegna ólöglegrar lagningar ökutækis.
Tvö umferðaróhöpp voru tilkynnt lögreglu í vikunni sem leið og varð annað þeirra á gatnamótum Heiðarvegar og Kirkjuvegar en þarna hafði bifreið, sem ekið var norður Heiðarveg verið ekið inn á gatnamótin og í veg fyrir bifreið sem ekið var austur Kirkjuveg. Engin slys urðu á fólki en bifreiðarnar eru báðar eitthvað skemmdar. Í hinu tilvikinu var um að ræða árekstur á Hamarsvegi á gatnamótunum við Dalveg. �?arna hafði bifreið sem ekið var úr Dalnum verið ekið á bifreið sem ekið var austur Hamarsveg. Engin slys urðu á fólki en eitthvað tjón varð á bifreiðunum.
Lögreglan vill minna á að tími nagladekkjanna hefur runnið sitt skeið þetta vorið og má vænta þess að farið verið að sekta þá ökumenn sem aka um á negldum hjólbörðum þegar nær dregur miðjum mánuðinum. Eru þeir sem tök hafa hvattir til að skipta yfir á sumardekkin.
