Glæsilegur sigur á Keflavík
ÍBV tók á móti Kefla­vík í Vest­manna­eyj­um í dag þegar 18. um­ferð Pepsi deildar karla fór fram. Bæði lið þurftu virkilega á sigri að halda til að tryggja veru sína í úrvalsdeild að ári en svo fór að ÍBV hafði 3-0 sigur á andlausum Keflvíkingum.
ÍBV byrjaði leikinn af krafti og á fyrstu mínútum leiksins var Spánverjinn Sito búin að leika fram hjá varnarmönnum Keflavíkur og skaut í slá úr dauðafæri. Bjarni Gunnarsson fékk frákastið en skaut í varnarmann sem varði á marklínu. Jón Ingason átti svo frábært skot af 35 metra færi en boltinn skall í þverslánni og Eyjamenn óheppnir að vera ekki komnir yfir, en þeir þurftu ekki að bíða lengi því á 31. mínútu kom Ian Jeffs ÍBV yfir eftir skot beint úr aukaspyrnu. ÍBV bættu svo við öðru marki leiksins á 38. mínútu þegar Gunn­ar Heiðar �?or­valds­son skoraði úr víta­spyrnu eft­ir að Sito var felld­ur inn­an teigs. Keflvíkingar fengu svo dauðafæri í uppbótatíma fyrri hálfleiks en Eyjamenn vörðu á marklínu og staðan 2:0 í hálfleik.
ÍBV fengu nokkur færi í síðari hálfleik en náðu ekki að koma boltanum í netið, en það var svo á 73. mínútu sem þriðja markið kom. Hafsteinn Briem skoraði úr frákasti eftir aukaspyrnu sem Sindri, markmaður Keflavíkur, varði frá Jeffs. ÍBV spilaði virkilega vel í dag og skiluðu allir leikmenn sínu vel.

Nýjustu fréttir

Íþróttir
Eyjakonur töpuðu heima gegn Breiðablik
Menntamál
Þétt setinn skóli þegar haustönn hefst
Myndband
Heimaklettur í allri sinni dýrð – en gönguleiðin bíður enn úrbóta
Fréttir
Fjögur lið frá ÍBV tóku þátt á Norðurálsmótinu
Íþróttir
Stórleikur á Hásteinsvelli í kvöld
Íþróttir
Þriðji sigur ÍBV í röð kom gegn Stjörnunni
Fólkið
Bergmál á Þingvöllum sló í gegn
Íþróttir
Mikilvæg stig í húfi þegar Stjarnan kemur til Eyja
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.