Í umhverfis- og skipulagsráði í síðustu viku var tekin fyrir að nýju erindi lóðarhafa að Brimhólabraut 40 um byggingarleyfi fyrir einbýlishúsi. Erindið var sent til grenndarkynningar samkvæmt skipulagslögum og bárust ráðinu tvær athugasemdir á kynningartíma. Áður hafði ráðið frestað afgreiðslu og óskað eftir gögnum er sýna skuggavarp frá nýbyggingu. Lágu skuggavarpsteikningar fyrir fundinum.

�??Eitt af meginmarkmiðum gildandi aðalskipulags er að fullnýta eldri íbúðasvæði með þéttingu byggðar. Ráðið getur ekki fallist á þau rök að verið sé að troða eigninni á lóðina og skemma þannig ásýnd hverfisins. �?að er mat ráðsins að stærð og hæð hússins falli vel að lóð og útlitið sé í samræmi við byggðamynstur svæðis. Samkvæmt skuggavarpsteikningum er skuggavarp á nær liggjandi lóðir ekki meira en gengur og gerist í þéttbýli og getur því ekki talist óeðlilega mikið,�?? segir í afgreiðslu ráðsins sem samþykkti byggingaráform lóðarhafa og fól byggingarfulltrúa framgang erindis sem var svo vísað til afgreiðslu bæjarstjórnar.