Ungir frumkvöðlar spreyta sig á stofnun og rekstri fyrirtækja

Eyjafréttir
·
Fréttir
·
11. janúar 2016

Um 300 ungir frumkvöðlar í framhaldsskólunum fá að spreyta sig á stofnun og rekstri fyrirtækja í nýsköpunarátaki sem félagið Ungir frumkvöðlar á Íslandi, Junior Achievement (JA), stendur fyrir í átta íslenskum framhaldsskólum. Upphafsfundur átaksins verður haldinn á morgun, 12. janúar kl. 17:00-18:00 í Háskólanum í Reykjavík. �?ar flytja erindi Illugi Gunnarsson, menntamálaráðherra, Robert Cushman, sendiherra Bandaríkjanna, Ari Kristinn Jónsson, rektor HR, Ragna Árnadóttir, aðstoðarforstjóri Landsvirkjunar og Hörður Guðmundsson sem er einn af stofnendum nýsköpunarfyrirtækisins Study Cake.

Hluti af JA Iceland verkefninu er keppni um bestu viðskiptahugmyndina og sýning og sala á nýjum vörum sem nemarnir munu skapa í verkefninu. Sigurvegarar keppninnar á Íslandi munu svo taka þátt í Evrópukeppni í Lucerne í Sviss, 25.-28. júlí. Fyrirtæki frá Verslunarskóla Íslands, E14-Magma vann Evrópukeppnina árið 2014 fyrir minjagrip úr hrauni.

Skólarnir sem taka þátt í átakinu í ár eru Fjölbrautaskólinn við Ármúla, Verslunarskóli Íslands, Fjölbrautaskólinn í Garðabæ, Fjölbrautaskólinn í Breiðholti, Menntaskólinn við Sund, Menntaskólinn í Kópavogi, Framhaldsskólinn í Vestmannaeyjum og Menntaskólinn við Hamrahlíð.

Junior Achievement (JA) eru alþjóðleg félagasamtök sem starfa á heimsvísu en verkefni á vegum samtakanna snerta meira en tíu milljónir nemenda á ári hverju í 122 löndum, þar af 3 milljónir nemenda í 39 Evrópulöndum. Samtökin leitast við að undirbúa ungt fólk fyrir framtíðina og auka færni þeirra til atvinnuþátttöku og atvinnusköpunar með því að stuðla að aukinni nýsköpunar-, frumkvöðla- og viðskiptamenntun í skólum. JA á Íslandi er þátttakandi í JA á heimsvísu.

Nýlega var skipuð ný stjórn Junior Achievement á Íslandi og er stjórnin skipuð eftirfarandi stjórnarmönnum:

Hörður Arnarson, forstjóri Landsvirkjunar (stjórnarformaður)

Höskuldur H. �?lafsson, bankastjóri Arion banka

Gylfi Sigfússon, forstjóri Eimskips

�?orsteinn Víglundsson, framkvæmdastjóri Samtaka atvinnulífsins

�?orgerður Katrín Gunnarsdóttir, forstöðumaður mennta- og nýsköpunarsviðs Samtaka atvinnulífsins

�?orsteinn Ingi Sigfússon, forstjóri Nýsköpunarmiðstöðvar Íslands

Ari Kristinn Jónsson, rektor Háskólans í Reykjavík

�?ór Sigfússon, forstjóri Sjávarklasans

Sigríður Hallgrímsdóttir, aðstoðarmaður menntamálaráðherra

Petra Bragadóttir, kennari við Fjölbrautaskólann í Ármúla

Nánari upplýsingar veitir Minna Melleri, framkvæmdastjóri Junior Achievement, minna@jaeurope.org,

s: 8554483. Facebook: JA Iceland – Ungir frumkvödlar. Twitter: @JA_Iceland.

Aðilar að Junior Achievement á Íslandi:

Nýjustu fréttir

Íþróttir

Frábæru Orkumóti lokið – FH varð Orkumótsmeistari

Íþróttir

ÍBV sækir botnlið FH heim

Samgöngur

Breytt siglingaáætlun Baldurs næstu daga

Aðsend grein

Áfram ÍBV

Fréttir

Varðskip danska sjóhersins í heimsókn í Eyjum

Áhugavert

Ríkið gæti komið að Eyjagöngum með ábatagreiðslum

Úr blaði Eyjafrétta

Samrýmdir og samhentir Betelbræður

Fréttir

Íslendingur vann tæpar 65 milljónir í EuroJackpot

Mest lesið

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.

Forðist áfenga drykki daginn fyrir brottför

Forðist djúpsteiktan, brasaðan eða saltan mat daginn fyrir siglingu.

Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.

Forðist mikið koffein. Mikið kaffi er ekki það sem maganum líkar fyrir sjóferð.

Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.

Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

Koffínátín – fæst án lyfseðils

Postafen – fæst án lyfseðils

Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.

Piparminta og te eru einnig gömul húsráð við ferðaveiki.

Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

Minna finnst fyrir hreyfingu og veltingi ef maður er staddur næst miðju bátsins.

Mörgum finnst gott að vera í kulda, t.d.að vera úti á dekki og láta vindinn leika um sig.

Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Nýjustu fréttir

Góð ráð fyrir siglingu

Sjóveiki