Sala á dilkakjöti í nóvembermánuði 2008 var 40,9% minni en í sama mánuði í fyrra eða 258 tonn samanborið við 436 tonn árið áður. Miðað við sama ársfjórðung og í fyrra (sep-nóv) er um að ræða 10,1% söluaukningu og á síðustu 12 mánuðum hefur sala kindakjöts aukist um 6% samanborið við 12 mánuði þar á undan. Það sem af er þessu ári hefur selst meira dilkakjöt innanlands en allt árið í fyrra.

Lítil sala í nóvember kemur ekki á óvart þar sem sölumet voru slegin í október s.l.