Segir íbúakosningu þýða að hætt verði við verkið
Eldfell. Eyjar.net/Tryggvi Már

Bæjarstjórn Vestmannaeyja vísaði málinu um listaverk í tilefni 50 ára gosloka til bæjarráðs í kjölfar tillögu sem kom fram frá fulltrúum D lista þess efnis að málið færi í íbúakosningu að lokinni ítarlegri kynningu á þeim hluta listaverksins sem snýr að inngripi í náttúruna, m.a. göngustígagerð í Eldfelli.

Fram kemur í fundargerð bæjarráðs að Páll Magnússon, forseti bæjarstjórnar hafi verið tengiliður við samstarfsaðila um listaverkið og skilaði drögum að minnisblaði til bæjarráðs eftir að hafa rætt við samstarfsaðilana um stöðuna. Niðurstaða í drögunum er sú að samþykki bæjarstjórn að vísa málinu í íbúakosningu á þessu stigi jafngildi það ákvörðun um að hætta við verkið.

Vilj­a fá að sjá út­lit verks­ins og vita hvar umframkostnaður lendi

Haft er eftir Eyþóri Harðarsyni bæj­ar­full­trúa Sjálfstæðisflokksins í Morgunblaðinu í dag að í ljósi umræðu um inn­grip í nátt­úru Eld­fells með göngu­stíga­gerð vilj­i minnihlutinn fyrst og fremst vita al­menni­lega hvernig lista­verkið verði út­fært í um­hverf­inu. Hann segir að mörg­um spurn­ing­um sé ósvarað en svör ættu að vera sjálf­sögð.

„Við velt­um líka fyr­ir okk­ur kostnaðinum; en skipt­ing­in á 120 millj­ón­um króna átti að vera sú að bær­inn greiddi 50 millj­ón­ir og ríkið 70 millj­ón­ir. En ljóst er að sá kostnaður yrði um­tals­vert meiri og óljóst á hverj­um sú upp­hæð lend­ir. Svo vilj­um við líka sjá út­lit verks­ins, okk­ur dug­ar ekki að fá aðeins að vita að Ólaf­ur Elías­son sé hönnuður, þótt stórt nafn sé,“ seg­ir Eyþór.

Málið enn á byrjunarstigi í febrúar

Bæjarráð vísaði málinu til afgreiðslu bæjarstjórnar sem fundar seinna í dag. Endanlegt minnisblað mun liggja fyrir þar.

Hér að neðan má sjá fyrri umfjallanir Eyjar.net, en fram kom á fundi bæjarráðs Vestmannaeyja um miðjan febrúar að málið hafi dregist og að það sé enn á byrjunarstigi. Þá á málið eftir að fara í gegnum skipulagsferli áður en endanlegar ákvarðanir verði teknar.

https://eyjar.net/minnisvardinn-a-eldfelli-mikid-mannvirki/

https://eyjar.net/vilja-ibuakosningu-um-minnisvarda/

https://eyjar.net/malid-a-byrjunarstigi/

https://eyjar.net/2022-12-14-drog-ad-breyttu-adalskipulagi-vegna-minnisvarda-kynnt-skipulagsradi/

Nýjustu fréttir

Fréttir
Herjólfur til Landeyjahafnar seinni partinn
Aðsent
Sigurjón og Auðunn jafnir efstir á Skákþingi Vestmannaeyja 2026
Íþróttir
Emil Gautason í lokahóp u-16
Aðsent
900 krónur urðu að 45 milljónum!
Fréttir
Vara við snjóhengjum og grýlukertum
Myndband
Staðan í Viðlagafjöru þremur árum eftir fyrstu skóflustungu
Menning
S!ll! sendir frá sér nýtt lag og heldur tónleika í kvöld
Áhugavert
Óska eftir framlengingu á flugi vegna stöðunnar í Landeyjahöfn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.