Eitt mál var tekið fyrir á fundi framkvæmda- og hafnarráðs Vestmannaeyja í gær. Málið sem tekið var fyrir er vegna fyrirhugaðra framkvæmda á Hásteinsvelli, en til stendur að setja gervigras á völlinn.

Fram kemur í fundargerð að eitt tilboð hafi borist í útboð vegna jarðvinnu og lagna við Hásteinsvöll. Brynjar Ólafsson, framkvæmdastjóri umhverfis- og framkvæmdasviðs lagði til við ráðið að hafna tilboðinu þar sem það er verulega yfir kostnaðaráætlun. Framkvæmdastjóri lagði einnig til að fara aftur í útboð sem fyrst.

Ráðið samþykkti tillögu framkvæmdastjóra um að hafna framkomnu tilboði og fól honum að bjóða verkið út að nýju.

Myndin er tekin í byrjun mánaðarins þegar Erl­ing­ur Guðbjörns­son, formaður fram­kvæmda- og hafnarráðs Vest­manna­eyja­ og Íris Ró­berts­dótt­ir bæj­ar­stjóri Vestmannaeyja tóku fyrstu skólfustungurnar að verkinu auk iðkenda ÍBV.

Þessu tengt: Hásteinsvöllur: Ekki gert ráð fyrir hitalögnum