Eyjamaðurinn Arnór Viðarsson átti góðan leik þegar Karlskrona gerði jafntefli gegn Alingsås í sænsku úrvalsdeildinni í handbolta í kvöld. Arnór skoraði fimm mörk úr sjö skotum og gaf að auki tvær stoðsendingar. Lokatölur leiksins 33-33.

Karlskrona er í baráttu um að komast í úrslitakeppnina en liðið situr í níunda sæti deildarinnar með 22 stig. Liðin í 7. og 8. sæti, Ystads IF og Onnereds eru líka með 22 stig. Fjórar umferðir eru eftir af tímabilinu og fara efstu átta liðin í útslitakeppnina. Alingsås situr í sjötta sæti.

Næsti leikur Karlskrona er gegn Hammarby, liðinu í þriðja sæti deildarinnar.