Íslandsmót Íþróttasambands fatlaðra í boccia í sveitakeppni hófst í Vestmannaeyjum í dag. Mótið fer fram í Íþróttamiðstöðinni og er umsjónaraðili íþróttafélagið Ægir í Vestmannaeyjum. 

Sú hefð hefur skapast að halda þessi Íslandsmót í bæjarfélögum úti á landi þar sem sem aðildarfélög ÍF starfa. Markmið er að kynna starfsemi aðildarfélaga ÍF sem hafa mjög mikilvægu samfélagslegu hlutverki að gegna. Á þessi mót koma árlega um tvö til þrjú hundruð keppendur auk aðstoðarfólks.

Keppni í 1. deild og BC 1-5 hófst kl. 11:00 og lauk kl. 14:00. Keppni í 2. deild hófst kl. 14:00 og lauk 17:00. 

Átta liða úrslitin fara fram á morgun, sunnudag, og hefjast þau kl. 11:00. Undanúrslitin fara fram kl. 11:45 og úrslitin kl. 12:30. Mótinu lýkur svo með lokahófi.