Vinna við þriðja áfanga grjótleitar á Haugasvæðinu er komin á fullt skrið og hefur svæðið nú tekið á sig mynd virks framkvæmdasvæðis, líkt og fjallað var um hér á vef Eyjafrétta um helgina. Í þessu myndbandi, sem Halldór B. Halldórsson tók upp í gær, má sjá hvernig framkvæmdirnar standa nú og umfang þeirrar vinnu sem fram undan er.

Sjá einnig: Grjótleit komin á fullt á Haugasvæðinu

Miklar vonir eru bundnar við niðurstöður rannsóknanna sem geta haft veruleg áhrif á kostnað og tímasetningar uppbyggingar stórskipakants norðan við Eiðið, einnar stærstu hafnarframkvæmdar sem fyrirhuguð er í Vestmannaeyjum á næstu árum.