Næstkomandi mánudag, 21. september, hefst ný byrjun hjá Vinum í bata. Vinir í bata er hópur fólks sem tileinka sér Tólf sporin sem lífsstíl. Fyrsti kynningarfundurinn fer fram klukkan 18.30 í Betri stofu Safnaðarheimilis Landakirkju.

Alls verða haldnir þrír opnir kynningarfundir, 21. og 28. september og 5. október. Fundirnir eru öllum opnir en eftir það hefst hin eiginlega sporavinna og hópunum verður lokað á fjórða fundi.

Starfið hentar öllum sem vilja vinna með tilfinningar sínar af einlægni og öðlast betri tengsl við sjálfa sig, aðra og æðri mátt. Nafnleynd, trúnaður og traust eru höfð að leiðarljósi.

Við vinnuna er stuðst við vinnubókina Tólf sporin – Andlegt ferðalag, sem fæst í bókabúðinni.

Nánari upplýsingar um starf Vina í bata má finna á viniribata.is.

Allir eru hjartanlega velkomnir á kynningarfundina.