Bæjarráð Vestmannaeyja fór yfir stöðuna í Landeyjahöfn á fundi sínum á miðvikudag. Fram kemur í bókun ráðsins að belgíska fyrirtækið Jan De Nul hafi hafið störf við höfnina. Áhöfn dæluskipisins Sebastiano Caboto vinnur nú að því að kynna sér aðstæður á svæðinu.

Samkvæmt upplýsingum Vegagerðarinnar er dýpið í Landeyjahöfn gott um þessar mundir og því ekki talin þörf á umfangsmikilli dýpkun á næstunni.

Stefnt er að viðhaldsdýpkun við innsiglinguna og brimvarnargarða þegar aðstæður leyfa.

Þessu tengt: 

Nýtt dýpkunartímabil að hefjast í Landeyjahöfn

Dæluskipið Sebastiano Caboto liggur nú í Vestmannaeyjahöfn en það mun sinna viðhaldsdýpkun í Landeyjahöfn næstu árin. Samningur Vegagerðarinnar við belgíska dýpkunarfyrirtækið Jan De Nul tekur gildi 15. september. Halldór B. Halldórsson tók meðfylgjandi myndband af skipinu í Vestmannaeyjahöfn. Eyjafréttir greindu frá komu skipsins til Vestmannaeyja í gær. Sebastiano Caboto mun sinna reglubundinni viðhaldsdýpkun hafnarinnar samkvæmt […]