Tveir handboltaleikir fara fram í Íþróttamiðstöð Vestmannaeyja á laugardag. Kvennalið ÍBV tekur á móti Selfossi í Olísdeildinni klukkan 14:00 og að þeim leik loknum mæta ÍBV B og Hörður frá Ísafirði í Powerade-bikarnum.

Eyjakonur hafa tvö stig eftir fyrstu tvo leiki sína í deildinni. Þær hófu tímabilið með 32:28 sigri á KA/Þór en töpuðu 31:27 fyrir Val á útivelli í síðustu umferð.

Selfoss er einnig með tvö stig. Liðið vann Val 25:21 í fyrstu umferð en beið nauman 26:25 ósigur gegn Gróttu í síðasta leik.

B-liðið í bikarbaráttu

Klukkan 16:30 hefst síðan viðureign ÍBV B og Harðar frá Ísafirði í 32 liða úrslitum Powerade-bikars karla.

Miðasala á bikarleikinn fer fram við innganginn og kostar miðinn 2.000 krónur. Leikmenn ÍBV B treysta á góðan stuðning úr stúkunni og lofa hörkuskemmtun.

Handboltadagskráin í Íþróttamiðstöðinni í dag:

• Klukkan 14:00: ÍBV–Selfoss, Olísdeild kvenna.
• Klukkan 16:30: ÍBV B–Hörður, Powerade-bikar karla.