Herjólfur stefnir á að sigla eina ferð til Landeyjahafnar síðari hluta dags í dag. Brottför frá Vestmannaeyjum verður klukkan 16:00, í stað klukkan 17:00, og frá Landeyjahöfn klukkan 20:00, í stað klukkan 20:45. Þetta kemur fram í tilkynnignu frá Herjólfi ohf.

Ferðir klukkan 18:15, 19:30, 22:00 og 23:15 falla niður. Fulltrúar Herjólfs hafa samband við farþega sem áttu bókað í ferðirnar til að færa bókanir þeirra.

Herjólfur bendir á að spáð sé hækkandi ölduhæð þegar líður á daginn. Þurfi að breyta áætluninni verður það tilkynnt um leið og ákvörðun liggur fyrir.

Farþegar eru jafnframt minntir á að á þessum árstíma sé hætta á færslu milli hafna og því sé ekki æskilegt að skilja farartæki eftir í annarri hvorri höfninni.