Milena Mihaela Patru, leikmaður ÍBV í fótbolta, hefur verið valin af Margréti Magnúsdóttur, landsliðsþjálfara, í lokahóp U17 ára landsliðs Íslands sem tekur þátt í fyrri umferð undankeppni Evrópumótsins 2027.

Leikið verður í Þýskalandi þar sem Ísland er í riðli með heimakonum, Tékklandi og Kasakstan. Liðið sem endar í neðsta sæti riðilsins fellur niður í B-deild fyrir seinni undankeppnina.

Fyrsti leikur Íslands verður gegn Þýskalandi 9. október. Því næst mætir liðið Tékklandi 12. október og Kasakstan í lokaleik sínum 15. október.

Hópinn má sjá hér að neðan:
Ragna Lára Ragnarsdóttir – Afturelding
Katla Ragnheiður Jónsdóttir – Afturelding
Ólöf Margrét Marvinsdóttir – Breiðablik
Viktoría Emma Arnórsdóttir – Breiðablik
Særún L. Castaneda Bjarnason – Breiðablik
Bára Björk Jóelsdóttir – Breiðablik
Elísabet María Júlíusdóttir – Breiðablik
Milena Mihaela Patru – ÍBV
Margrét Viktoría Harðardóttir – Keflavík
Kara Guðmundsdóttir – KR
Hildur Eva Bragadóttir – Selfoss
Sara Rún Auðunsdóttir – Selfoss (búin að semja við FH)
Ásdís Erla Helgadóttir – Selfoss
Rósa María Sigurðardóttir – Stjarnan
Tinna María Heiðdísardóttir – Stjarnan
Agnes Klara Bernharðsdóttir – Stjarnan
Hafdís Nína Elmarsdóttir – Þór
Bríet Fjóla Bjarnadóttir – Þróttur R.
Björgey Njála Andreudóttir – Þróttur R.
Auður Ósk Kristjánsdóttir – Völsungur