1200 tonn af makríl

„Við erum á heimleið með 1.200 tonn sem náðust í íslenskri lögsögu. Það hefur þurft að hafa talsvert fyrir því að leita að makrílnum og veiða hann á þessari vertíð,“ sagði Sveinn Ásgeirsson yfirstýrimaður á Gullbergi um hádegisbil í dag (1. september).

Hann er í þann veginn að ljúka fyrsta túrnum sem skipstjóri á Gullbergi, leysir af Jón Atla Gunnarsson og er sjálfur á leið í frí þegar heim er komið.

Sveinn var áður stýrimaður á Ísleifi en fór yfir á Gullberg þegar Vinnslustöðin eignaðist skipið í sumar.

Mynd úr fyrsta túr Sveins sem skipstjóra á Kap VE árið 2011.

„Ég byrjaði hjá Vinnslustöðinni 2006 og þá á Gandí. Stýrimannsferillinn hófst hjá Eyjólfi Guðjónssyni  á Gullbergi 2000-2005 og ég byrjaði 2007 á sama skipi sem þá hét Kap eftir að Vinnslustöðin eignaðist það.

Ég var á KAP í hálfan annan áratug eða svo og varð svo  2. stýrimaður á Ísleifi 2015.

Þá hef ég líka leyst oft af á netabátum þegar vantað hefur þar stýrimann eða skipstjóra.

Nú er það sem sagt nýja Gullberg og það er gott skip.“

Sveinn er uppalinn Eyjamaður og segist nú orðið helst sinna fjölskyldu og vinum utan vinnutíma og nefnir ferðalög sem áhugamál. Hann er kvæntur Sigrúnu Öldu Ómarsdóttur. Hún er eigandi Litlu skvísubúðarinnar í Vestmannaeyjum.

Ekki lengur Drullusokkur!
Áður söng hann í karlakór og þeysti um á vélhjóli en þeir tímar eru að baki enda vélhjólið selt.

Og þar með er Sveinn heldur ekki Drullusokkur lengur.

Ha??

Sveinn og eiginkonan, Sigrún Alda, hún er eigandi Litlu skvísubúðarinnar í Vestmannaeyjum.

Já, það er nefnilega svo að mótorhjólaklúbburinn í Vestmannaeyjum heitir Drullusokkarnir. Þegar Geir Jón Þórisson, fyrrverandi lögregluforingi, var tekinn inn í klúbbinn á sínum tíma, sem liðsmaður númer 165, kvaðst hann vera stoltur Drullusokkur. Hann útskýrði í DV-viðtali að félagsheitið væri bæði jákvætt og virðulegt því drullusokkar losuðu stíflur í heimahúsum og í mótorhjólaklúbbnum væru öll mál leyst farsællega – í anda drullusokks.

Margsannað er að fullt mark er takandi á orðum Geirs Jóns enda bæði orðvar maður og sannkristinn.

Stoltur fyrrverandi Drullusokkur er á landleið með markrílbjörg í bú Eyjanna og þjóðarinar.

Nýjustu fréttir

Fréttir
Styttist í að sundlaugin opni
Aðsend grein
Segjum það sem við getum staðið við
Áhugavert
Guðrún Erlings lætur fimmtán ára draum rætast
Aðsend grein
Framtíðin er í okkar höndum
Aðsend grein
Flugútboð til Eyja
Aðsend grein
Óásættanlegt ástand í Landeyjahöfn
Aðsend grein
Mokstur á þjóðveginum til Vestmannaeyja
Íþróttir
ÍBV fær ÍR í heimsókn
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.