Arnór Gauti Ragnarsson sá um að afgreiða sína fyrrum félaga í ÍBV í leik í A-deild Fótbolta.net mótsins í gær en Arnór Gauti lék með ÍBV eitt tímabil, 2017.

Viktor Karl Einarsson kom blikum yfir á 21. mínútu og þannig stóðu leikar í hálfleik. Þegar sautján mínútur voru liðnar af síðari hálfleik skoraði Arnór Gauti sitt fyrsta mark. Þrettán mínútum síðar hafði hann bætt við tveimur til viðbótar. Þrenna á þrettán mínútum.

Lokatölur Breiðablik 4 – ÍBV 0. Mörkin úr leiknum má sjá í spilaranum hér að ofan en hann var sýndur í beinni útsendingu á Youtube rás blika.