Ákveðið hefur verið að bregðast við þeim biðlista sem myndast hefur hjá Herjólfi nk. sunnudagskvöld með því að nýta ferjuna Baldur til siglinga frá Þorlákshöfn sunnudaginn 19. apríl næstkomandi.

Brottför Baldurs:

• Sunnudagur 19. apríl 2026 kl. 19:30 frá Þorlákshöfn.

Sigling Herjólfs sama dag:

• Sunnudagur 19. apríl kl. 19:45 frá Þorlákshöfn.

Athygli er vakin á því – í tilkynningu frá Herjólfi ohf. – að ekki er gistipláss um borð í Baldri. Þeir farþegar sem höfðu bókað koju á þeim dögum sem Baldur siglir hafa fengið gistipláss sitt endurgreitt.

Einnig er áréttað að Herjólfur verður úr áætlun á mánudag og þriðjudag, þar sem unnið er að því að taka úr skipinu rafmótor sem sendur verður utan til viðgerðar. Þegar mótorinn hefur verið lagfærður þarf að taka Herjólf aftur úr áætlun tímabundið til að koma mótornum fyrir um borð.