Á næstunni mun Vestmannaeyjabær, Heilbrigðiseftirlit Suðurlands og lögreglan í Vestmannaeyjum hefja sameiginlegt átak sem miðast að því að fækka bílhræjum á götum bæjarins. Byrjað verður á því að merkja og hreinsa upp númerslausar bifreiðar af lóðum og götum bæjarins. Byrjað verður á skriflegri áminningu, sem límd verður á númerslausar bifreiðar og viðkomandi eigendum gefinn viku frestur til að fjarlægja þær. Að þeim tíma liðnum mun Vaka ehf fjarlægja viðkomandi bifreiðar á kostnað eigenda sinna og draga þær í Vökuportið í Reykjavík. Vaka sendir bifreiðaeigendunum bréf þar sem þeir verða áminntir um gjaldfallinn kostnað og hvattir til að ganga frá sínum málum, eftir því sem fram kemur í fréttatilkynningu. Sé bifreið leyst út af eiganda greiðir sá hinn sami fyrir kostnað sem á bifreiðina hefur fallið. Kostnaður við að fjarlægja eina bifreið felst í flutningi hennar til Reykjavíkur ásamt geymslugjaldi pr. dag í Vökuportinu og innskriftargjaldi.

�??Sveitarfélagið hvetur alla til að sameinast í átakinu. Tökum höndum saman og göngum vel um. �??Umgengni lýsir innri manni.�??