Vikan var með rólegra móti hjá lögreglu og engin alvarleg mál sem upp komu. Skemmtanahald helgarinnar gekk með ágætum og fá útköll á öldurhús bæjarins. Að vanda var eitthvað um kvartanir vegna hávaða frá heimahúsum en það leystist allt farsællega og án eftirmála.

Að morgni 4. maí sl. var lögreglu tilkynnt að farið hafi verið inn í frístundaverið Rauðagerði v/Boðaslóð og þaðan stolið skiptimynt úr sjoppu frístundaversins. Talið er að stolið hafi verið um kt. 7.000 – 10.000,-. Ekki er vitað hver eða hverjir þarna voru að verki en talið er að þjófnaðurinn hafi átt sér stað að kvöldi 3. maí sl. �?eir sem einhverjar upplýsingar hafa um þá sem þarna voru á ferð eru vinsamlegast beðnir um að hafa samband við lögreglu.

Um miðjan dag þann 1. maí sl. var lögreglu tilkynnt um að ekið hafi verið utan í bifreið sem stóð á bifreiðastæðinu við Íþróttamiðstöðina og sá sem tjóninu olli hafi farið í burtu án þess að láta vita af óhappinu. �?eir sem upplýsingar hafa um atvikið eru beðnir um að hafa samband við lögreglu.

Tvær kærur liggja fyrir eftir vikuna vegna brota á umferðarlögum, í öðru tilvikinu var um ólöglega lagningu ökutækis að ræða en í hinum var ökumaður staðinn að því að tala í farsíma í akstri án þess að nota handfrjálsan búnað.