„Það er mikilvægt að fá þessa aukaviku saman til undirbúnings þótt ekki séum við allar og þær vanti sem leika erlendis. Það er alltaf gaman með landsliðinu og við njótum þess að vinna saman og bæta okkar leik,“ sagði hin þrautreynda landsliðskona og leikmaður ÍBV, Sunna Jónsdóttir í samtali við handbolta.is fyrir eina af æfingum landsliðsins í vikunni.

Íslenska landsliðið hefur nýtt páskana til æfinga og framundan eru tveir leikir í undankepni Evrópumótsins, í Lúxemborg 3. apríl og á Ásvöllum 7. apríl gegn færeyska landsliðinu. Með sigri í leikjunum tryggir liðið sér farmiða á EM í fyrsta sinn í 12 ár.

„Við ætlum að láta drauminn rætast og tryggja okkur farseðil inn á stórmót, loksins. Nú er komið að því. Við erum í góðri stöðu og erum vel einbeittar á verkefnið sem eru þessir tveir leikir,“ sagði Sunna við handbolta.is.

Eyjamaðurinn Arnar Pétursson er þjálfari landsliðsins og sem hefur verið á uppleið frá því hann tók við liðinu.

Sunna fagnar bikarmeistaratitli með ÍBV á síðasta ári.

Mynd Sigfús Gunnar.