Lúðvík Gunnarsson, þjálfari u-16 ára landsliðsins í fótbolta, hefur valið Emil Gautason, leikmann ÍBV, í lokahóp til þátttöku í UEFA Development mótinu. 

Mótið fram fer í Færeyjum dagana 27. febrúar – 6. mars næstkomandi. Liðið æfir á Íslandi fimmtudaginn 26. febrúar áður en haldið er til Færeyja þann 27. Febrúar.

Emil hefur leikið upp alla yngri flokka ÍBV og þreytti frumraun sína með meistaraflokki ÍBV, seinni hluta síðasta tímabils, í 4-1 sigri gegn Val í Bestu deildinni. Hann spilaði með KFS fyrri hluta sumarsins ásamt því að leika með 3. og 2. flokki ÍBV. Þá fór hann á reynslu til sænsku meistarana í Mjällby síðasta haust, þar sem hann æfði með unglingaliðinu.