Evrópuævintýri Íslandsmeistarar ÍBV varð stutt en liðið tapaði í dag fyrir Maccabi í annað sinn á jafn mörgum dögum. Í gær tapaði liðið 25:30 og tapaði svo aftur í kvöld 25:27 og samanlagt 50:57. Eyjamenn eru þannig úr leik í Evrópukeppninni, eða EHF Cup eins og keppnin heitir. Eyjamenn voru lengst af yfir í leiknum, náðu m.a. fjögurra marka forystu í tvígang í sitthvorum hálfleiknum en náðu aldrei að jafna metin í rimmunni með því að ná fimm marka forystu. Undir lokin fengu varamenn ÍBV svo að spreyta sig gegn Ísraelunum, sem gengu á lagið og unnu.

Mörk ÍBV: Einar Sverrisson 7, Grétar �?ór Eyþórsson 5, Theodór Sigurbjörnsson 5, Magnús Stefánsson 3, Agnar Smári Jónsson 2, Hákon Styrmisson 1, Hallgrímur Júlíusson 1, Leifur Jóhannesson 1.

Varin skot: Haukur Jónsson 7, Kolbeinn Arnarson 12.