Fer Brynjar fram í Suðurkjördæmi?
Brynjar Nielsson

Á sunnudaginn næstkomandi fundar kjördæmisráð Sjálfstæðisflokksins í Suðurkjördæmi. Þar verður tekin fyrir tillaga stjórnar kjördæmisráðs um að viðhafa röðun við val á efstu 6 sætum á framboðslista flokksins fyrir næstu alþingiskosningar.

Sjálfstæðisflokkurinn hefur í dag fjóra þingmenn í kjördæminu, en Birgir Þórarinsson var kosinn fyrir Miðflokkinn. Hann gekk til liðs við Sjálfstæðisflokkinn skömmu eftir síðustu þingkosningar. Jarl Sigurgeirsson, varaþingmaður Sjálfstæðisflokksins í Suðurkjördæmi segir í samtali við Eyjafréttir að hann hafi ekki endanlega gert upp hug minn varðandi setu á lista fyrir komandi kosningar.

„Við sjálfstæðismenn munum hittast á fundi kjördæmaráðs á sunnudag þar sem viðhöfð verður röðun í efstu sæti framboðslista og kjörnefnd mun raða upp í sætin þar fyrir neðan. Ég finn að komin er stemning í mannskapinn. Við sjálfstæðismenn í góðum gír og fullir tilhlökkunar að heyja snarpa kosningabaráttu.” segir Jarl.

Uppi hefur verið orðrómur um að Brynjar Níelsson, fyrr­ver­andi þingmaður Sjálf­stæðis­flokks­ins sé að íhuga fram­boð í Suður­kjör­dæmi. Brynj­ar hef­ur áður verið þingmaður í báðum Reykja­vík­ur-kjör­dæm­unum. ​Í samtali við Eyjafréttir segir Brynjar að hann hafi sagt að hann sé tilbúinn ef það er einhver eftirspurn eftir honum. „Ég er ekki búinn að gera upp hug minn, en þarf klárlega að gera það á næstu dögum.“ Aðspurður um Suðurkjördæmi segir hann að það komi alveg til greina. „Ég þekki kjördæmið vel. Það er oft sagt að ég sé hálfur Eyjamaður, svo þekki ég vel til bæði í Árnessýslu sem og á Reykjanesi.“ segir hann og bætir við að hann sjái mikil tækifæri í kjördæminu.

En hefur Brynjar fengið hvatningu frá íbúum Suðurkjördæmis? Já, talsverða, en einnig úr fleiri kjördæmum. T.d. úr Norðvestur kjördæmi, þangað sem ég á ættir að rekja. Hann segir að hann taki áskorununum alvarlega og ætlar Brynjar að íhuga framboð vandlega næstu tvo sólarhringa eða svo.

Samkvæmt heimildum Eyjafrétta sækjast þau þrjú sem skipuðu efstu sætin í síðustu kosningum öll eftir að taka sæti á listanum. Þau Guðrún Hafsteinsdóttir, Vilhjálmur Árnason og Ásmundur Friðriksson.

Nýjustu fréttir

Íþróttir
Morgan Goði stal senunni í sigri ÍBV á Aftureldingu
Fréttir
Fyrsti snjór ársins loksins fallinn í Eyjum
Myndband
Vestmannaeyjar fyrri tíma lifna við í Sagnheimum
Íþróttir
Liam Daði gengur til liðs við ÍBV
Sjávarútvegur
Horfa til úthafseldis vestur af Vestmannaeyjum
Sjávarútvegur
Loðnuvertíð í hámarki
Fréttir
Perlað fyrir Kraft í Höllinni
Samgöngur
Dýpi í Landeyjahöfn ekki nægilegt nema við bestu aðstæður
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.