Fótboltaskóli ÍBV og Heildverslunar Karls Kristmanns verður haldinn páskavikuna, 25-27. mars nk. en þá verður frí í skóla sem og á æfingum. Hér er frábært tækifæri til að brjóta upp daginn fyrir krakkana sem og efla þau í fótboltanum, segir í frétt á vefsíðu ÍBV.

Fótboltaskólinn er fyrir krakka í 1-8. bekk og fá allir þátttakendur gefins páskaegg.

Nákvæm tímasetning verður sett upp eftir að fjöldi þátttakenda liggur fyrir. Gera má ráð fyrir að æfingar verði á milli klukkan 10-15 hvern dag. Þátttakendum verður skipt upp eftir aldri og væntanlega kyni einnig.

Stjórnandi skólans verður Óskar Elías Zoega og munu leikmenn og þjálfarar meistaraflokks karla stjórna æfingum, en sérstök áhersla verður lögð á tækniæfingar og mun fjöldi þjálfara vera á hverri æfingu til að þær skili sem mestu fyrir börnin.

Skráningafrestur er til 13. mars og þau sem bóka fyrir þann tíma er tryggt páskaegg. Verð er aðeins 5.000 kr.

Þetta er tilvalin páskagjöf til krakkanna frá mömmu og pabba eða afa og ömmu. Þar sem gjöfin inniheldur þá öflugan fótboltaskóla sem og páskegg fyrir hátíðina.

Við hvetjum ykkur því til að skrá ykkar barn hið fyrsta. Skráning fer fram hér