Frum­varp um útboð á nýrri Vest­manna­eyja­ferju
Mbl.is greindi frá því í dag að frum­varp um heim­ild til útboðs vegna nýrr­ar Vest­manna­eyja­ferju sem á að leysa Herjólf að hólmi hef­ur verið lagt fram á Alþingi. Verði það óbreytt að lög­um má gera ráð fyr­ir að kostnaður rík­is­ins vegna kaupa á nýrri ferju nemi allt að 4,8 millj­örðum króna. Nýj­an ferj­an á að vera hag­kvæm­ari í rekstri og með hærra þjón­ustu­stig.
Með frum­varpi fjár­málaráðherra er Vega­gerðinni veitt heim­ild til að láta fara fram útboð þar sem valið stend­ur á milli þess að gerður verði þjón­ustu­samn­ing­ur um smíði og rekst­ur skips til allt að tólf ára eða að samið verði um smíði skips fyr­ir allt að 4,8 millj­arða á verðlagi í árs­lok 2015. Vega­gerðin má ganga að hag­kvæm­asta til­boði í hvorn kost­inn sem er enda liggi fyr­ir full­nægj­andi fjár­heim­ild­ir til verks­ins eða tryggt sé að samn­ing­ur sé með skýr­um fyr­ir­vara um það.
Gert er ráð fyr­ir að við lok hins tólf ára frests eign­ist ríkið skipið á hra­kv­irði sem nem­ur um 36% af væntu kaup­verði. Með öðrum orðum er gert ráð fyr­ir að rík­is­sjóður kaupi skipið fyr­ir um 1,4 mia.kr. á verðlagi fjár­laga 2016 en til þess þyrfti þá sér­staka fjár­heim­ild þegar þar að kem­ur.
Sú hönn­un sem fyr­ir liggi, m.a. djúprista og skrokklag, miðist við þær aðstæður sem eru í Land­eyja­höfn. �?tboðsgögn geri ráð fyr­ir 69 metra langri ferju sem get­ur flutt 540 farþega. Ferj­an verði álíka stór og Herjólf­ur en taki fleiri bif­reiðar í hverri ferð eða 72 í stað tæp­lega 60 bif­reiða. Ferj­an risti hins veg­ar mun grynnra en Herjólf­ur, eða 2,8 metra í stað 4,3 metra. Ferj­an muni geta siglt til �?or­láks­hafn­ar við erfiðar aðstæður á aðeins 5�??10 mín­útna lengri tíma en Herjólf­ur. Sam­kvæmt áætl­un­um Vega­gerðar­inn­ar sé gert ráð fyr­ir að ný ferja geti siglt til Land­eyja­hafn­ar í 76�??89% til­vika á ári eða 84% sam­kvæmt miðspá.
Verði frum­varpið að lög­um er gert ráð fyr­ir að hægt verði að aug­lýsa útboðið í sum­ar­byrj­un og að hægt verði að opna það síðsum­ars eða í haust. Reikna má með 2�??3 mánuðum í að meta til­boð og und­ir­búa samn­ings­gerð. Miðað við það má gera ráð fyr­ir að hægt verði að samþykkja ásætt­an­legt til­boð og rita und­ir samn­ing á vetr­ar­mánuðum. Í útboðsgögn­um verður gert ráð fyr­ir að af­hend­ing ferj­unn­ar verði um mitt ár 2018 eða fyrr ef kost­ur er. Á móti út­gjöld­un­um er gert ráð fyr­ir að tekj­ur rík­is­ins af sölu á gamla Herjólfi geti numið um 500�??700 m.kr.

Nýjustu fréttir

Goslok
Leikhópurinn Lotta sýnir Litaland 
Fréttir
Terra fær ekki samþykktar breytingar á gjaldskrá
Íþróttir
ÍBV og FH skiptu með sér stigunum
Aðsend grein
Stærstu viðskiptafréttir í sögu Vestmannaeyja
Úr blaði Eyjafrétta
Pétur Bjarna, Eyjamaður og sjávarútvegsfræðingur
Íþróttir
Frábæru Orkumóti lokið – FH varð Orkumótsmeistari
Íþróttir
ÍBV sækir botnlið FH heim
Samgöngur
Breytt siglingaáætlun Baldurs næstu daga
Mest lesið

Góð ráð fyrir siglingu

Sjóveiki

Hvað er sjóveiki?

Sjóveiki er misræmi milli skynfæra líkamans sem senda boð til heilans um hreyfingu – kyrrstöðu.

Þegar einstaklingur er úti á sjó þá nema skynjarar í vökvafylltum gangi í innra eyra hreyfingu og senda boð til heilans að einstaklingur sé á hreyfingu. Augun senda hins vegar boð til heilans um að viðkomandi sé kyrr. Heilinn á erfitt með að vinna úr þessum misvísandi og ósamræmdu upplýsingum og sendir skilaboð til magans um að tæma sig – þ.e. veldur uppköstum.

Einkenni sjóveiki eru þreyta, ógleði, svimi, svitakóf og uppköst.

Góð ráð til að hindra sjóveiki:

  • Góð hvíld daginn fyrir brottför. Að fara seint að sofa og snemma um borð í bát fer ekki vel saman ef fólk er hætt við sjóveiki.
  • Forðist áfenga drykki daginn fyrir brottför
  • Forðist djúpsteiktan, brasaðan eða saltan mat daginn fyrir siglingu.
  • Borðið góðan morgunverð. Borðið gjarnan hvítt brauð, hafragraut og ávexti þó ekki sítrus ávexti.
  • Forðist mikið koffein. Mikið kaffi er ekki það sem maganum líkar fyrir sjóferð.
  • Hafðu mat með þér á sjó. Gott er að hafa samlokur með kjúklingi eða kalkún. Kjötið er fitusnautt og brauðið er róandi í maga. Hafðu endilega eitthvað til að grípa í sem er létt í maga. Bananar eru mjög góðir til að narta í ef þú finnur fyrir ógleði en einnig er gott að hafa létt kex eða annað sem er ekki salt eða fitumikið.
  • Drekkið vel af vatni en einnig er gott er að drekka kóla drykki eða engiferöl í sjóferðinni

Lyf við sjóveiki þ.e. lyf sem slá á einkennin og fást án lyfseðils í apóteki.

  • Koffínátín – fæst án lyfseðils
  • Postafen – fæst án lyfseðils
  • Scopolamin plástur – lyfseðilsskyltEinnig má fá armbönd gegn ferðaveiki sem sumir telja að hjálpi.

Önnur ráð:

  • Engifer er jurt sem nýlega hefur fengið aukna athygli vegna þess að því er haldið fram að hún geti slegið á ógleði sem fylgir sjóveiki. Til forna tuggðu kínverskir sjómenn engiferrót til að draga úr sjóveiki. Flest lyf sem virka á ógleði verka á heilann en engifer virkar aðeins á magann. Ráðlagt er að taka 1000 mg. hylki hálftíma fyrir brottför. Einnig má taka eitt eða tvö 500 mg. hylki sem eru til viðbótar á ferðalaginu. Ekki er ráðlagt að drekka coke með engifertöflum.
  • Piparminta og te eru einnig gömul húsráð við ferðaveiki.
  • Sumum finnst betra að taka sýrujafnandi töflur, Alminox eða slíkt áður en þú heldur á sjó og þá er gott að hafa box með út á sjó.

Hvar í skipinu er best að vera o.fl.

  • Minna finnst fyrir hreyfingu og veltingi ef maður er staddur næst miðju bátsins.
  • Mörgum finnst gott að vera í kulda, t.d.að vera úti á dekki og láta vindinn leika um sig.
  • Matarlykt fer illa í þá sem hætt er við sjóveiki og einnig pústið frá bátnum.

Þungun:

Þungaðar konur sem þjást af sjóveiki mega nota koffinátín í litlum skömmtum en best er að ráðfæra sig við lækni eða lyfjafræðing.
Þunguðum konum er ekki ráðlagt að nota engifer þar sem það er ekki staðfest hvort það geti haft skaðleg áhrif á fóstur.

Eyjafréttir
Keyrt af  GDPR Cookie Compliance
Friðhelgisyfirlýsing

Þessi vefsíða notar fótspor til að við getum veitt þér bestu notendaupplifun. Upplýsingar um fótspor eru geymdar í vafranum þínum og framkvæma aðgerðir eins og að þekkja þig þegar þú kemur aftur á vefsíðu okkar og hjálpa teymi okkar að skilja hvaða hluta vefsíðunnar þér finnst áhugaverðast og gagnlegast.