Sóknarmaður ÍBV, Jonathan Ricardo Glenn, sem er jafnframt markahæsti leikmaðurinn í Pepsídeildinni, virðist hafa gefið Guðmundi Reyni Gunnarssyni, leikmanni KR viljandi olnbogaskot í leik liðanna á KR-vellinum á sunnudaginn. Boltinn er víðsfjarri þegar Glenn kemur aftan að Guðmundi Reyni og ekki er hægt að sjá annað en að Glenn reki olnbogann viljandi í hnakka Guðmundar, sem féll við. Glenn skoraði draumamark í leiknum, líklega flottasta mark sumarsins en svo virðist sem hann hafi einnig framið eitt af ljótari brotum sumarsins í sama leik.

Atli Sigurjónsson, leikmaður KR deildi myndbandinu og spurði �??Má þetta?�??

�?líklegt er að Glenn verði refsað fyrir atvikið en til þessa hefur aganefnd KSÍ ekki dæmt menn í bann eftir sjónvarpsupptökum. Myndbandið af atvikinu má sjá hér að neðan.