ÍBV mætti Fjölni í dag í Pepsi deild karla á Hásteinsvelli þar sem ÍBV hafði betur 4-0. Lið ÍBV var mikið breytt frá því í síðasta leik. Hafsteinn Briem og Mees Siers komu aftur inn í liðið eftir leikbann. Abel Dharia, Gunnar Heiðar �?orvaldsson og Sito komu allir inn í liðið en Gunnar Heiðar og Sito voru að spila sinn fyrsta leik fyrir félagið.

ÍBV byrjaði leikinn af krafti og strax á þriðju mínútu komst ÍBV yfir með marki frá Sito, frábær byrjun hjá honum með ÍBV. Aron Bjarnason átti þá skot/sendingu að marki ÍBV og Sito var mættur á fjær og setti boltann í netið. Tíu mínútum síðar kom Hafsteinn Briem ÍBV í 2-0 eftir að hafa tekið boltann á lofti eftir aukaspyrnu frá Ian Jeffs. ÍBV voru að spila frábærlega í fyrri hálfleik og léku á alls oddi, þrátt fyrir að leika gegn sterkum vindi.

Á 30. mínútu kom svo Sito ÍBV í 3-0 með frábæru marki. Gunnar Heiðar �?orvaldsson sendi góða sendingu á Aron Bjarnason sem setti boltann fyrir, beint á Sito sem hamraði boltann í netið. Fjölnir áttu svo tvö ágætis færi undir lok hálfleiksins en ekkert varð úr þeim og staðan 3-0 í hálfleik.

Í hálfleik var svo boðið upp á stjörnuleik í fótboltanum en nánar verður fjallað um hann hér á vef Eyjafrétta í kvöld.

Fjölnir byrjaði síðari hálfleikinn vel og �?órir Guðjónsson komst strax í dauðafæri en Abel varði vel í marki ÍBV. �?órir var svo aftur á ferðinni stuttu síðar en aftur varði Abel frábærlega þar sem hann var farin niður á hnén. Á 60. mínútu átti Sito frábært skot að marki Fjölnis en �?órður, markmaður þeirra varði vel, Gunnar Heiðar fylgdi eftir en �?órður var vel á verði. Fjórum mínútum síðar átti Gunnar Heiðar gott skot en rétt fram hjá. Á 70. mínútu fékk ÍBV víti eftir að �?órður, markmaður Fjölnis braut á Gunnari Heiðari. Gunnar fór sjálfur á punktinn og skoraði tvisvar, en hann þurfti að endurtaka spyrnuna eftir að hafa skorað örugglega fram hjá �?órði, það vafðist ekki fyrir Gunnari að fara aftur á punktinn og skoraði af sama öryggi og staðan orðin 4-0.

Bjarni Gunnarsson kom svo inn á sem varamaður fyrir Sito og var ekki lengi að valda usla því hann komst strax í dauðafæri þar sem markmaður Fjölnis varði vel. Lokatölur leiksins 4-0 en leikurinn hefði allt eins getað farið 7-0, svo mikið var af færum. Frábær sigur hjá ÍBV, góð liðsheild og frábær stemmning í liðinu.