Grunnskóli Vestmannaeyja (GRV) er einn fjögurra skóla sem fær styrk úr sjóðnum Forritarar framtíðarinnar en styrkirnir verða afhentir í húsakynnum CCP í Reykjavík í dag. Auk GRV fær Smáraskóli, Kirkjubæjarskóli og Grunnskólinn í Sandgerði styrk, sem samtals er upp á fjórar milljónir. Styrkirnir eru í formi tölvubúnaðar og þjálfunar kennara til forritunarkennslu fyrir nemendur.

�??Sjóðurinn Forritarar framtíðarinnar hóf starfsemi sína í byrjun árs 2014 og er megin hlutverk sjóðsins að efla forritunar- og tæknimenntun í grunn- og framhaldsskólum landsins. Skólar og sveitarfélög geta sótt um styrki úr sjóðnum til að efla tæknikennslu og notkun á tækni í skólastarfi og fá til þess þjálfun og tækjabúnað, allt eftir þörfum hvers og eins. �?etta er í annað sinn sem úthlutað er úr sjóðnum en fyrri úthlutunin fór fram 21. febrúar sl. Var þá úthlutað styrkjum að verðmæti fjórar milljónir króna. Samtals hefur því sjóðurinn úthlutað virði tæpra 8 milljóna króna í styrki til skóla á þessu ári,�?? segir í fréttatilkynningu frá sjóðnum.

�??Við erum mjög ánægð með þær viðtökur sem sjóðurinn hefur fengið og þann fjölda umsókna sem hafa borist. Við erum stolt af því að hafa náð að úthluta styrkjum að verðmæti 8 milljóna á fyrsta starfsári. Við höfum fengið til samstarfs við okkur rosalega flotta hollvini, bæði einkafyrirtæki sem og mennta- og menningarmálaráðuneytið sem sýnir okkur hvernig atvinnulífið og hið opinbera geta unnið saman og náð árangri,�?? segir Guðmundur Tómas Axelsson, stjórnamaður í Forriturum framtíðarinnar.

Að sjóðnum koma fyrirtæki og stofnanir af öllum stærðum og gerðum. �?au leggja honum lið með því að leggja honum til fjármagn og tæknibúnað. Bakhjarlar og hollvinir sjóðsins eru Nýherji, Íslandsbanki, Landsbankinn, RB (Reiknistofa bankanna), CCP, Cyan veflausnir, �?ssur og mennta- og menningarmálaráðuneytið.