KFS vann Augnablik í dag 4:0 á Hásteinsvelli. Leikurinn fór fram við frekar erfiðar aðstæður en talsverður vindur hefur verið í Eyjum í dag. Engu að síður sáust á köflum ágætis tilþrif en þó fyrst og fremst hjá bláklæddum Eyjamönnum. Guðjón �?lafsson gerði sér lítið fyrir og skoraði þrennu í leiknum en Gauti �?orvarðarson skoraði eitt. Staðan í hálfleik var 1:0 en Eyjamenn nýttu sér það vel að spila undan vindi í síðari hálfleik. �?etta var jafnframt sjötti sigur KFS í sjö leikjum en liðið gerði jafntefli á útivelli í síðustu umferð gegn Vængjum Júpíters. KFS er sem fyrr í efsta sæti, nú með 19 stig eða fimm stigum meira en Vængir Júpíters og sex stigum meira en KB og Augnablik. Eyjamenn stefna því hraðbyri á úrslitakeppnina í haust en keppni í B-riðli er nú hálfnuð. Tvö efstu liðin komast í úrslitin.

�?ess má geta að Eyjamaðurinn Sigurvin �?lafsson lék sinn fyrsta leik með KFS í dag, við hlið bróður síns og markaskorarans Guðjóns.